ليو هو به د چين او امريکا ترمنځ د لوړ پوړو اقتصادي او سوداګريزو سلامشورو ديارلسم دور د تر سره کولو لپاره امريکا ته د يوه پلاوي مشري وکړي.

د چين د سوداګرۍ وزارت مرستيال او د نړيوالو سوداګريزو خبرو اترو د استازي مرستيال وانګ فو ون د سپتمبر په ٢٩مه نېټه د نوي چين د جوړېدو د ٧٠مې کاليزې د نمانځنې په اړه په يوه مطبوعاتي غونډه کې وويل چې د سپتمبر د ٢٩مې نېټې له ملي ورځې څخه يوه اوونۍ وروسته د چين د دولتي شورا غړيو د چين د کمونېست ګوند د مرکزي کميټې سياسي بيورو، د دولتي شورا مرستيال او د چين او امريکا د هراړخيز اقتصادي ديالوګ مشر ليو هو مشر به د چين او امريکا ترمنځ د لوړ پوړو اقتصادي او سوداګريزو سلامشورو ديارلسم دور د تر سره کولو لپاره واشنګټن ته د يوه پلاوي مشري وکړي. څه موده وړاندې د دواړو خواوو د اقتصادي او سوداګريزو ډلو مشرانو په واشنګټن کې د وزيرانو په کچه د مرستيالانو په کچه سلا مشورې وکړې او د ګډو اندېښنو د اقتصادي او سوداګريزو مسايلو په اړه يې رغنده خبرې اترې وکړې. دوی د ديارلسمې دورې د لوړ پوړو اقتصادي او سوداګريزو مشورو لپاره د ځانګړو ترتيباتو په اړه هم د نظريو تبادله وکړه. د خبرو اترو په اړه د چين دريځ ثابت او څرګند دی او پر چينی اصولو څو ځله ټينګار شوی دی. دواړه خواوې بايد د متقابل احترام، برابرۍ او متقابلو ګټو له اصولو سره سم د مساوي خبرو اترو له لارې مسئلې ته د حل لاره ومومي. دا د دواړو هېوادونو او د خلکو په ګټه او د نړۍ او نړۍ د خلکو په ګټه ده.